Category: MAQEDONI

Tetovë, me fishekzjarre festojnë 108 vjetorin e pavarësisë së Shqipërisë

Në sheshin Iliria në Tetovë me fishekzjarre po festohet 108 vjetori i pavarësisë së Shqipërisë.

Mesiq: Kombi maqedonas është fakt historik, nuk e ka krijuar as Tito as Kominterna

Ish presidenti kroat, Stipe Mesiq në një intervistë për mkd.mk ka theksuar se marrëdhënia midis Bullgarisë dhe Maqedonisë, në kohën kur Maqedonia ishte brenda Jugosllavisë, ka qenë prej kohësh një çështje absolute dhe se nuk duhet të ketë probleme këtu.

Sipas tij të gjithë ata që tani ngrenë çështje të tilla padyshim që vetëm mund të pengojnë marrëdhëniet midis Maqedonisë dhe Bullgarisë, por edhe zgjidhjen paqësore të problemeve në të gjithë rajonin.

Ai thekson se vetoja bullgare ndaj Maqedonisë së Veriut nuk janë në përputhje me vlerat evropiane, as në interesin evropian.

“Në këtë është puna, sepse nëse do të ishte zgjidhur çështja e marrëdhënieve midis Jugosllavisë dhe Bullgarisë, dhe me atë edhe e Maqedonisë dhe Bullgarisë, mendoj se tani nuk ishte as në interesin evropian, as në interes të rajonit, dhe në fund të fundit as në interes të Maqedonisë, as të Bullgarisë, për të parashtuar çështje që janë zgjidhur tashmë, që janë zgjidhur përfundimisht”, thotë Mesiq.

I pyetur se çfarë merr Bullgaria me lëvizje të tilla, Mesiq tha se ato janë më shumë pasojë e punëve të brendshme të Bullgarisë.

Mesiq thekson se kombi maqedonas është komb i veçantë, si dhe gjuha maqedonase dhe se pretendimet se ata u krijuan nga Komintern nuk mbajnë.

“Asnjë Komintern nuk krijoi as gjuhën bullgare dhe as atë maqedonase. Për shkak se të dy gjuhët janë gjuhë të folura nga popuj të veçantë, populli bullgar – bullgarisht, populli maqedon – maqedonisht. Ndësa ka edhe ngjashmëri. Ekziston gjithashtu midis serbëve dhe kroatëve, kështu që serbët e quajnë serbisht, kroatët – kroatisht, boshnjakët – boshnjakisht, malazezët – gjuhë malazeze. Unë nuk shoh asnjë arsye për të ngritur çështjen e kombit maqedonas dhe identitetit maqedonas tani. Kombi maqedonas ekziston, është një fakt historik dhe kushdo që ka një problem këtu, në fakt dëmton marrëdhëniet në të gjithë Evropën”, tha Mesiq. (Lajmpress)

Situata dramatike nga covid-i, Maqedonia e Veriut deklaron gjendjen e krizës për 30 ditë

Qeveria e Maqedonisë së Veriut vendosi gjatë mbledhjes së sotme të shpallë gjendjen e krizës për 30 ditë. Vendimi pritet të hyjë në fuqi nga dita e nesërme. Ky vendim vjen pas propozimit të Komitetit për Menaxhimin e Krizave. Rekomandimi i Komitetit erdhi pas mbledhjes së këshillit për siguri tek presidenti Pendarovsski. Gjendja e krizës do të thotë se Qeveria ka në dispozicion njerëzit e ushtrisë, ndërmarrjeve publike komunale, por edhe kapacitetet e spitaleve private. /rtsh.al

LSDM dhe BDI dështuan në plotësimin e premtimit gjatë zgjedhjeve parlamentare se vendi do të anëtarësohet në Bashkimin Evropian dhe për këtë gjë ata duhet të japin dorëheqje, deklaroi kryetari i ASH-së Zijadin Sela. Ai kërkoi dorëheqjen e Kryeministrit Zoran Zaev, Ministrit të jashtëm, Bujar Osmani dhe Zëvendëskryeministrit për çështje evropiane, Nikolla Dimitrov.

“Përgjegjës për atë që ndodhi mbrëmë natyrisht se kanë emër dhe mbiemër dhe ky është kryeministri Zoran Zaev, ministri i Punëve të Jashtme z. Bujar Osmani, ministri për Bashkimin Evropjan z. Dimitrov. Që të tret duhet të dorëhiqen”, theksoi Ziadin Sela – Kryetar i ASH-së.

Lideri i BDI -së Ali Ahmeti ka ndarë disa momente shumë emocionuese përmes një postimi në rrjetin social Facebook,që ka të bëjë me rrëfimin e një ish luftëtari të lirisë Ilir Morina informon Tetovasot.Ai ishte shumë i ri ,më saktë vetëm 17 vjeç kur ju bashkua Ushtrisë Çlirimtare të Kosovës.Iliri rrëfen ngjarje të rralla të atij momenti të madh për shqiptarët që luftonin për lirinë e tyre.
Me këtë rast kreu i BDI-së Ali Ahmeti ,njëri ndër figurat më të mëdha të këtyre momenteve historike për shqiptarët thotë se
Ilir Morina ishte 17 vjeç kur iu bashkua Ushtrisë Çlirimtare të Kosovës. Moshë e re, por shtypja që po i bëhej popullit të Kosovës nga regjimi i Millosheviqit e kishte pjekur atë para kohe përcjellë TetovaSot.Iliri në rrëfimin e tij tregon ngjarje rrënqethëse duke parë ne sytë e tij fëmijë, gra dhe pleq të masakruar e të djegur.

Ky është postimi i plotë i z.Ali Ahmeti:

LIRIA KA EMËR: Ilir Morina ishte 17 vjeç kur iu bashkua Ushtrisë Çlirimtare të Kosovës. Moshë e re, por shtypja që po i bëhej popullit të Kosovës nga regjimi i Millosheviqit e kishte pjekur atë para kohe. Mes lotësh, tregon momentet e rënda të humbjes së shokëve dhe forcën e madhe që djemtë dhe vajzat e Kosovës kishin për të vazhduar tutje. Ai pa me sytë e tij fëmijë, gra dhe pleq të masakruar e të djegur. “Ndërsa sot, neve na akuzojnë për krime”. Shikojeni dhe shpërndajeni këtë rrëfim për të vërtetën e Kosovës. #LiriaKaEmer LIRIA KA EMER.

Zona e Prespës që i takon sot Maqedonisë së Veriut dikur jetohej masivisht nga shqiptarët

Por sot situata në komunën e Rëshenjës, në këtë pjesë të Prespës është shumë e ndryshme. Shqiptarët jo vetëm janë tkurrur , por ka një asimilim masiv, një pjesë e tyre deklarohen gjithçka përveçse shqiptare.

Gjurmë Shqiptare e gazetarit Marin Mema solli natën e mbrëmshme në ekranin e Top Channel një hulumtim të fortë, me fakte e të dhëna që dëshmojnë sesi po shuhen shqiptarët në këtë zonë. Dikur numri i tyre ishte i konsiderueshëm. Po sot cfarë po ndodh me shqiptaret e vjetër të këtushëm ?

Mbledhja e parë ndërqeveritare ndërmjet Bashkimit Evropian dhe Maqedonisë së Veriut, që nënkupton edhe nisjen e biedimeve të anëtarësimit në union, bazuar në qëndrimet e palëkundëra të Sofjes, nuk do të ndodhë për shkak të mostejkalimit të dallimeve lidhur me emrin e shtetit, gjuhën, identitetin dhe preardhjen etnike të disa personaliteteve nga e kaluara historike.

“Ne ende nuk jemi në gjendje të miratojmë kornizën për nisjen e bisedimeve për Maqedoninë e Veriut, por jemi në duke punuar në mënyrë aktive me presidencën gjermane, si dhe me kolegët nga Republika e Maqedonisë së Veriut për gjetjen e zgjidhjes. Mbështetja jonë për këtë vend asnjëherë nuk e qenë pa kushte”.

Bullgaria nuk e konteston gjuhën dhe identitetin modern të popullatës së atjeshme. Ne qartë dhe me kohë e kemi bërë të ditur qëndrimin tonë, që vitin e kaluar qeveria dorëzoi në Kuvend deklaratën, e cila ishte mbështetur nga të gjitha partitë”, ka deklaruar në një prononcim për televizionin shtetëror bullgar (BTV) ministrja e Punëve të Jashtme e Bullgarisë, Ekaterina Zaharieva.

Ajo vuri në dukje se është në interes të Bullgarisë që të gjitha vendet e Ballkanit Perëndimor të bëhen pjesë e Bashkimit Evropian.

“Nuk është vetëm historia ajo që shqetëson, por edhe gjuha e urrejtjes”, ka theksuar Zahariev, duke shprehur indinjatën për, siç ka thënë, “mosnjohjen e së vërtetës historike që çon në probleme mjaft serioze në marrëdhëniet midis dy vendeve”.