Tsipras diskuton me kancelaren Merkel për çështjen e emrit të Maqedonisë dhe për Turqinë

Kryeministri grek, Alexis Tsipras ka realizuar një bisedë me kancelaren gjermane, Angela Merkel, me të cilën ka folur për çështjen e emrit të Maqedonisë dhe për Turqinë, përcjell Telegrafi Maqedoni.

Sipas burimeve të Agjencisë së Lajmeve Athinase-Maqedonase – AMNA, ata kanë folur për procesin e bisedimeve me Maqedoninë dhe për veprimet e Turqisë në detin Egje, për pengimin e kërkimeve për derivate në zonën ekonomike të Qipros.

Tsipras është shprehur për një zgjidhje afatgjatje për çështjen e emrit të Maqedonisë, përfshi ndryshimet kushtetuese të Maqedonisë.

Tsipras dhe Merkel do të takohen të premten në Bruksel në një samit evropian. Paraprakisht, Merkel do të takohet me kryeministrin e Maqedonisë, Zoran Zaev.

You must be logged in to post a comment Login