Përjashtimi i Skenderbeut, reagon FSHF-ja: Kjo çështje i perket vetem klubit. Të hapur për vendimet e UEFA-s

Federata Shqiptare e Futbollit ka reaguar nje dite pas lajmit se Komisioni i Disiplinës në UEFA ka propozuar përjashtimin e skuadrës së Skenderbeut për 10 vjet nga kompeticionet europiane, për shkak të dyshimeve për trukim të ndjeshjeve. FSHF thote se ky eshte propozim dhe jo vendim, ndersa deklaron se pergjegjesia i mbetet klubit korçar.

Deklarata e plote

FSHF kërkon të informojë opinionin publik në lidhje me zhvillimet më të fundit të publikuara në shtyp për çështjen e Skënderbeut.

Gjatë ditës së djeshme, por edhe sot FSHF ka marrë informacionet e nevojshme lidhur me dokumentin e publikuar i cili është relacioni i inspektorëve të UEFA-s drejtuar Komisionit të Disiplinës, dhe jo një vendim disiplinor. Informacione këto, të domosdoshme për të patur një qëndrim të konsultuar institucional dhe publik.

Ndonëse FSHF po e ndjek me vëmendje ecurinë e procesit disiplinor ndaj Skënderbeut, vlen të theksohet se kjo është një çështje që i përket drejtpërdrejtë klubit anëtar (Skenderbeu) dhe vetë UEFA-s.

FSHF do te jetë e hapur për çdo vendim disiplinor që mund të vijë në rrugë zyrtare nga trupat gjykuese të UEFA-s për rastin në fjalë.

You must be logged in to post a comment Login