Strakosha, portieri me më së shumti pritje në Serie A, i dyti në Evropë

Dy vite më parë, ishte një portier që nuk kishte fare të ardhme. Nuk llogaritej nga askush se mund të luante me Lacion, në një kohë që kishte tre apo katër alternativa që konsideroheshin më të mira sesa ai.

Mirëpo, prej më shumë se një viti është i pari në radhën e gardianëve të Lacios dhe jo vetëm kaq, por po përballon me sukses edhe një defekt të kësaj skuadre: Numrin e madh të goditjeve që pëson në kuadrat.

Por, shqiptari ja ka dalë që ta shndërrojë në një arritje të madhe këtë gjë. Ai renditjet në krye të listës së portierëve në Serinë A për nga numri i pritjeve që ka bërë. Me 58-të të tilla, shqiptari lë pas edhe Perin i cili ka të njëjtin numër, transmeton Panorama.

Por, Strakosha nuk është vetëm i pari në radhën e gardianëve të Serisë A. “Corriere Dello Sport” ka bërë një renditje në bazë të kësaj statistike edhe me gardianët më të mirë në kampionatet më të rëndësishme të Europës. Gardiani i Shqipërisë dhe Lacios renditet i dyti, me vetëm tre pirtje më pak sesa Pavlenka i Verder Bremenit.

Emri              Mosha              Ekipi       Pritjet

1.Jiri Pavlenka            25 vjeç          Verder      61

2.Thomas Strakosha  22 vjeç          Lacio        58

3.Matia Perin              25 vjeç          Xhenoa    58

4.Nikolas                    29 vjeç          Verona     58

5.Aleksandër Shuolou 29 vjeç         Frajburg   53

6.Regis Gërtner           30 vjeç         Amiens    52

7.Aleks Kordas             34 vjeç        Krotone    51

8.Lukas Fabianski        32 vjeç        Suonsi      51

9.Andrea Konsili           30 vjeç        Sasuolo   51

10.Pau Lopez               22 vjeç        Espanjol  50

 

You must be logged in to post a comment Login