Nga një dhomë universiteti tek suksesi botëror – historia e pabesueshme e Google në foto

Në vitin 2018, Google do të festojë 20-vjetorin e krijimit të motorit të kërkimit. Në dy dekada, kompania kaliforniane, e krijuar nga ish-studentët e Universitetit të Stanford, Larry Page dhe Sergey Brin është bërë një fuqi globale.

Faqja google.com është më e vizituara në botë dhe shoqëria ndër të tjera zhvillon edhe Android, sistemin operativ më popullor në planet. Falë edhe Alphabet, shoqëria mëmë e Mountain View, sot ka një vlerë prej 743 miliardë dollarësh.

I vetmi lajm i keq për kompaninë është që Eric Schmidt, president ekzekutiv i Alpabet, që nga viti 2001 në Google, ka bërë të ditur se duke filluar nga java tjetër do të heqë dorë nga roli i tij.

Business Insider (në versionin francez), me rastin e largimit të Eric Schmidt, publikon foto që tregojnë se si nga një dhomë universiteti në Stanford lindi sipërmarrja më e madhe teknologjike e kohërave tona.

1.Foto e parë (edhe pse jo shumë e qartë) shfaq dy themeluesit në vitin 1996 në kohën kur ishin ende studentë universitarë.

Sergey Brin e Larry Page në fillim donin ta quanin motorin e tyre të kërkimit “BackRub”. Vetëm më vonë ata vendosën për “Google”, një lojë fjalësh që derivon nga termi matematikor “googol” i përdorur për të treguar një numër të përbërë nga shifra 1 dhe 100 zero.

2.Serveri i parë i Google u krijua në një kuti Lego të personalizuar

3.Pak më vonë, Page dhe Brin e transferuan kompaninë e tyre të re në garazhin e Susan Wojcicki, një punonjës i ardhshëm në Google dhe CEO në YouTube.

4.Sapo u lançua motori i kërkimit, krijuesit e saj morën një financim prej 100 mijë dollarësh. Fondet vinin nga Andy Bechtolsheim, themelues i “Sun Microsystems”. Me këtë shumë, Google u krijua zyrtarisht si një kompani më 4 shtator 1998.

5.Home page i parë i Google

6.Në vitin 1999, George Bell, atëherë Ceo i Exite, një motor kërkimi lider në atë kohë, kërkonte të blinte Google – ofroi 750 mijë dollarë, por marrëveshja nuk u arrit.

 

7.Në vitin 1999, Google lë garazhin dhe transferohet në një zyrë të vërtetë, në “165 University Avenue” në Palo Alto, në Kaliforni, në një ndërtesë ku kishin ambientet e tyre edhe PayPal e Logitech.

 

8.Pak kohë më pas, Google mbledh 25 milionë dollarë nga financime, ndër investitorët kryesorë ishin Kleiner Perkins Caufield e Sequoia Capital.

9.Në vitin 2000, kompania prezanton AdWords, një shërbim online reklamash, i cili krijonte hapësira publicitare në brendësi të faqeve të kërkimit të Google. Suksesi ishte i padiskutueshëm.

 

10. Vitet e flluskës teknologjike në Bursë. Ndërkohë që shumë kompani teknologjike falimentojnë, motori i kërkimit të Google dhe themeluesit e saj bëhen të famshëm.

 

11.Në këtë periudhë, Google shpalli dhe sloganin “Don’t be evil” (Mos ji i keq)

12.Në vitin 2001, Eric Schmidt zgjidhet administrator i deleguar dhe zëvendëson Larry Page. Më së fundi themeluesit mund të përqendrohen në zhvillimin e teknologjisë së Google.

13.Në vitin 2003, Google merr me qira kampusin e famshëm Googleplex në Mountain View. Në atë kohë, ndërtesa i përkiste Silicon Graphics, një gjigant teknologjik në vështirësi. Në vitin 2006, Google blen Googleplex.

14.Shumë shpejt Googleplex u bë një simbol i suksesit të Silicon Valley dhe një ndër vendet e punës më të mira në botë.

 

15.Shumë shpejt Google do të bëhej një kompani që do t’u ofronte punonjësve të saj përfitime të shumta – duke e filluar që nga vaktet falas.

 

16.Jashtë Googleplex shfaqet një statujë dinozauri e mbuluar shpesh nga flamengo ngjyrë rozë.

 

17.Më 1 prill 2004, Google prezanton Gmail, shërbimin e tij të postës elektronike. Shumë menduan se kjo ishte një gënjeshtër në Ditën e Gënjeshtrave.

18. 19 gusht 2004, koha për t’u hedhur në Bursë. Aksionet e Google u kuotuan 85 dollarë. Çdo aksion e shoqërisë mëmë të Google, Alphabet vlen më shumë se 1000 dollarë.

 

19.Në këtë moment, Google nis të investojë në shërbime që nuk kanë të bëjnë me motorët e kërkimit. Të parët janë Google Docs e Google Maps.

20.Në vitin 2005, Google blen Android, një shoqëri e vogël startup që ka projektuar sistemin operativ për fotokamerat dixhitale. Startup, softawre i së cilës do të jetë baza e sistemit operativ Android, drejtohej nga Andy Rubin.

21.Në vitin 2006, shoqëria blen YouTube për 1,65 miliardë dollarë në aksione.

22.Në të njëjtin vit hapet edhe qendra e të dhënave në pronësi të plotë të Google. Ndodhet në The Dalles, Oregon.

23.Google tashmë është bërë aq popullor, sa që termi “gugëlloj” bëhet në shumë gjuhë sinonim i “kërkoj në internet”.

 

24.Në vitin 2008, hidhet në treg smartphone i parë Android. HTC Dream është vetëm i pari i një serie të gjatë telefonash. Sot Android është sistemi operativ më popullor në botë.

25.Gjithnjë në 2008, Google krijon browser e tij Chrome.

 

26.Në vitin 2011, hapi i parë pas i Eric Schmidt, lë pozicionin i tij si administrator i deleguar. Megjithatë ai emërohet si President dhe këshilltar në bordin drejtues. Larry Page bëhet sërish Ceo.

27.Me Larry Page, administrator i deleguar, Google synon rrugë të reja dhe në vitin 2010 nis të interesohet për makina me vetëdrejtim.

28.Në vitin 2012, është radha e Google Glass, program kërkimi me objektivin për të zhvilluar një palë syze të pajisura me realitetin virtual.

 

29.Projektet inovative dhe futuristike shtohen. Për shembull, lentet për të matur nivelin e glukozës në gjakun e diabetikëve.

 

30.Në vitin 2016, lind Alphabet. Larry Page është administratori i deleguar.

 

31.Sundar Pichai, ish-drejtues i Google Chrome, emërohet administrator i deleguar i Google. Me drejtuesin e ri, kompania hedh hapat e parë në zhvillimin e Inteligjencës Artificiale.

 

32.Kohët e fundit, Eric Schmidt ka dhënë dorëheqjen nga pozicioni si president i Alphabet. Drejtuesi do të vazhdojë të luajë rolin e tij si këshilltar teknik dhe do të qëndrojë në këshillin e administrimit. Schmidt ka parë Google të rritet në një kompani me mijëra punonjës.

 

You must be logged in to post a comment Login