Koreja paralajmëron luftën/ Nuk na intereson diplomacia me SHBA-në, po punojmë për raketën bërthamore

Koreja e Veriut përjashton diplomacinë dhe bisedimet, ata kanë deklaruar se: “Përpara se të angazhohemi në diplomacinë e administratës Trump, ne duam të dërgojmë një mesazh të qartë se forcat Ushtarake të Koresë së Veriut kanë një aftësi të besueshme mbrojtëse dhe për të luftuar çdo agresion nga Shtetet e Bashkuara” thanë zyrtarë të Koresë së Veriut.

Ndërkohë shefi i shtabit të Shtëpisë së Bardhë, John Kelly, në një deklaratë  javën e kaluar tha se amerikanët duhet të shqetësohen për aftësinë e Koresë së Veriut për të arritur në Shtetet e Bashkuara me një raketë balistike ndërkontinentale, ai tha se kërcënimi po rritet, pavarësisht se po punohet për të arritur në marrëveshje nëpërmjet diplomacisë.

Sipas CNN-së kombi koreano-verior aktualisht nuk është i interesuar për diplomacinë me SHBA-në derisa ta arrijë këtë qëllim, që të tregoj fuqinë e tij. /Marrë nga CNN, përshtatur për Opinion.al

You must be logged in to post a comment Login