Qytetin që e ndan lumi dhe betoni: Kështu duket muri që po ndërtohet te Ura e Ibrit (Foto)

Kryetari i Komunës së Mitrovicës, Agim Bahtiri, ka vizituar përsëri sot pjesën ku po ndërtohet një mur i lartë për të cilin thuhet se do ta ndajë fizikisht veriun dhe jugun e qytetit të Mitrovicës.

Muri është duke u ndërtuar në pjesën veriore të qytetit, saktësisht përball urës së lumit Ibër, raporton Telegrafi.

Bahtiri, pas vizitës që i bëri kësaj pjese tha: “Mitrovica s’ka për t’u ndarë, kjo është ilegale. Ky mur do të hiqet”.

Në pyetjen e bërë nga Telegrafi se si mendojnë ta heqin këtë mur, ai tha: “Do ta shohim”!

Në anën tjetër, kryetari i pjesës veriore të Mitrovicës, Goran Rakiq, ka thënë se “aty nuk po punohet asgjë më shumë e as më pak sesa parashihet me projektin për rivitalizimin e urës për të cilin pala e Kosovës dhe ajo Serbisë janë dakorduar në Bruksel”.

Sipas tij, po punohet “zona për këmbësorë nëpër të cilën nuk do të mund të kalojnë automjetet”. /Telegrafi/

9

10

11

12

1

2

3

4

5

6

You must be logged in to post a comment Login