Avoktja Enida Bozheku/Intervista: Vettingu eshte nje frymemarrje shprese per nje vend ne agoni

1) – Pershendetje e nderuar znj. Enida Bozheku. Ju keni studiuar per drejtesine ne Rome. Cfare do te thote kjo per ju?

Studimi ne Rome, sikunder ne cdo Universitet prestigjoz qe kultivon dijen dhe indukton principet me te mira te stimulimit intelektual eshte fat dhe njekohesisht sakrific. Te kem studiuar ne Sapienza, Juridik, aty ku jane pasuar ne shekuj juristet – filozof me fame boterore eshte privilegj dhe pergjegjesi.

 

2) – Jeni avokate dhe person shume aktiv ne fushen profesionale, ku keni bere edhe publikime ne lemin penal. Per shkak te profesionit dhe angazhimit, ju njihni mire te dy sistemet e drejtesise ate Italian dhe ate Shqiptar. Ku mendoni se qendron dallimi midis nje Avokati ne Itali dhe nje Avokati ne Shqiperi?

Mendoj qe ne çdo sistem juridik, motor i drejtesise eshte Avokati, i cili me ane te formimit te tij profesional, karakterial dhe impaktit socio-kulturor ku zhvillohet, ofron ne terren karakteristika te ndryshme. Avokatura Italiane ka nje histori dhjetra shekullore dhe ajo shqiptare te me pak se nje shekulli me pauza ta gjata inekszistence permes. Ndaj ndryshimi mendoj qe nis qe nga boteformimi personal dhe me pas ai institucional i njohjes dhe ushtrimit te konceptit te avokatures si nje strukture mbrojtese e te drejtave dhe luftetare e fitimit te drejtesis mbi padrejtesin dhe sekserllekun.

 

3) – Per shkak te interesit profesional besoj se e keni ndjekur me vemendje reformen ne drejtesi ne Shqiperi e sidomos pjesen e vetingut. Cili eshte opinioni juaj per kete?

Vettingu eshte nje frymemarrje shprese per nje vend ne agoni sic eshte ky i yni. Vend i etur per drejtesi dhe si pasoje cdo prurje e re premtuese se do te dilet nga bataku i pisllkut moral dhe atij ligjor eshte i mirepritur. Nese do te thoja, a do te kete rezultat, besoj se po, sigurisht jo te menjershem pasi do te duhet te formohen dhe brezat qe do te ndjekin ritmet dhe do t’i pershtaten ndryshimeve qe ky sistem i ri vlersimi dhe karriere do te sjell. Jam me shprese se do te kete nje fryme te re dhe nje dritare pune te paster ku cdo kush, drejtesine do ta shohe si mision ne vetvehte dhe jo me si mjet per tu pasuruar shpejt, si dhe, do te mund te shprehi me te miren e dijeve te tij ne fushen juridike.

 

4) – Kohet e fundit sistemi i drejtesise ne Shqiperi eshte perfshire ne skandale te shumta. Prokuror qe filmohen ne korrupsion pasive. Vendime gjygjesor te dyshimta. Kush eshte komenti juaj?

 

Vendi yne eshte, fatkeqsisht, ne nje udhekryq dijesh juridike, ku perplaset shpesh here paaftesia, makuteria dhe injoranca e kjo prodhon krize vlerash ne gjyqsor, duke sjell si pasoje korrupsionin.

Kuptohet, korrupsioni lind ndoshta qe me mekatin origjinal, por ndodhit e njepasnjeshme lene per te deshiruar dhe menduar qe pertej faktit te korrupsionit, subjektet veprues jane te perfshire edhe nga nje vet bindje absolute tek pandeshkueshmeria, qe deri me sot eshte reale. Asnje nga te ashtequajtur “koka te drejtesis” edhe pse te perfolur nuk kane kaluar ne proces hetimi e jo me pas gjykimi realisht bindes dhe te rregullt.

 

5) – Zeri i Amerikes ka publikuar nje liste gjyqtaresh dhe prokuroresh ne Shqiperi me pasuri marramendese qe nuk jane ne proporcion me te ardhurat e tyre te deklaruar. Pra, troc drejtesia shqiptare eshte e kapur nga korrupsioni. Kush eshte sipas jush antidoti i duhur qe mund te sheroje drejtesine shqiptare nga korrupsioni?

Nuk mendoj qe ka nje formule magjike te afte per ti dhene nje pergjigje te shpejte pyetjes suaj, por ndoshta ky ndryshim thelbesor qe ndodhi duke futur ne kushtetuten tone principe bazilare sic jane ato te formimit te gjyqtareve, kontrollit te pasurive te tyre para dhe pas marrjes se detyres, analizave te detajuara te menyres se dhenies se vendimeve eshte nje hap i pare per t’u pershendetur. Sa realisht do te sjell fryte kete do ta tregoj koha, nderkohe, miratimi i ligjit te vettingut dhe ngritja e strukturave ad hoc anti-korrupsion, besoj dhe uroj se nese do te koordinohen me njerezit e duhur te motivuar nga principe dhe ideale afatgjata per ti dhene te ardhme femijve te shqiptareve, do te sjell rezultate konkrete. Mendoj qe ky mund te jete nje fillim i mbare i kures antikorrupsion.

 

6) – Ju jepni mesim edhe ne auditoret shqiptare. Arsimi i larte ne Shqiperi eshte ne nje faze tranzicioni. Cfare u mungon universiteteve shqiptare te jene me standarte europiane?

Ne keto kohe qe jap mesim edhe ne auditoret Shqiptare, ajo cka kam vene re eshte fakti qe te rinjte shqipetare nuk kane shprese. Kjo eshte vrastare! Per kete mendoj qe faji eshte i shoqerise sone ne teresi dhe i trupes pedagogjike ne vecanti. Te jem me koncize, mendoj qe i mungon pasioni, shkelqimi nder sy se me ane te dijes mund te çahet e neser mund te arrish te behesh dikushi.

Mendoj qe ne auditore mungon deshira per te transmetuar me te miren e mundeshme, vlerat me te larta pa i kushtezuar ato ne nje note apo ne nje raport arrogance – pedagog – student.

Ne krahasim me jashte, tek ne mungon disponibiliteti bashkepunes dhe deshira per t’i ndihmuar te rinjte qe te shprehen, te jene vetvehtja. Mungon shembulli pozitiv dhe mundesia per tu shprehur lirisht.

You must be logged in to post a comment Login